കൊപ്പം
ഗ്രാമ പഞ്ചായത്ത്

ശുചിത്വ ഹര്‍ത്താല്‍ എന്ന പേരില്‍ 16.05.2026 തീയതി രാവിലെ 8 മണിക്ക് ആരംഭിച്ച കൊപ്പം ടൌണ്‍ ക്ലീനിംഗ് ക്യാമ്പൈനോടെ ഗ്രാമപഞ്ചായത്തിലെ ഈ വര്‍ഷത്തെ മഴക്കാല പൂർവ്വ ശുചീകരണത്തിന് (Pre-Monsoon Sanitation) തുടക്കമായി. മഴക്കാലത്ത് ഉണ്ടാകാനിടയുള്ള വെള്ളക്കെട്ടുകളും അതുവഴി പെരുകുന്ന കൊതുകുകളും (ഡെങ്കിപ്പനി, മലമ്പനി, ചിക്കൻഗുനിയ തുടങ്ങിയവ) മറ്റ് പകര്‍ച്ചവ്യാധികളും തടയാൻ മുൻകൂട്ടി സ്വീകരിക്കുന്ന ശുചീകരണ, രോഗപ്രതിരോധ പ്രവർത്തനങ്ങളാണ് ഇതിലൂടെ ലക്ഷ്യമിടുന്നത്. സംസ്ഥാന സർക്കാർ തദ്ദേശ സ്വയംഭരണ സ്ഥാപനങ്ങൾ, ആരോഗ്യ വകുപ്പ്, ശുചിത്വ മിഷൻ എന്നിവയുടെ നേതൃത്വത്തിൽ എല്ലാ വർഷവും വിപുലമായ ജനകീയ ക്യാമ്പയിനുകൾ സംഘടിപ്പിക്കാറുണ്ട്.
മഴക്കാല പൂർവ്വ ശുചീകരണ പ്രവർത്തനങ്ങൾ താഴെ പറയുന്ന മൂന്ന് ഘട്ടങ്ങളായാണ് നടപ്പാക്കാന്‍ ഉദേശിക്കുന്നത് എന്ന് പ്രസിഡന്റ്‌ ശ്രീമതി ടി വി വത്സല അറിയിച്ചു

1. ഗാർഹിക തലം (വീടുകളിൽ ചെയ്യേണ്ടവ)ഉറവിട നശിപ്പിക്കൽ: വീട്ടുപറമ്പിൽ വെള്ളം കെട്ടിക്കിടക്കാൻ സാധ്യതയുള്ള ചിരട്ടകൾ, പ്ലാസ്റ്റിക് കപ്പുകൾ, ഉപേക്ഷിക്കപ്പെട്ട ടയറുകൾ, മറ്റ് പാത്രങ്ങൾ എന്നിവ പൂർണ്ണമായി നീക്കം ചെയ്യുക.ഡ്രൈ ഡേ (Dry Day): എല്ലാ ഞായറാഴ്ചകളിലും വീടും പരിസരവും ഡ്രൈ ഡേ ആയി ആചരിക്കുക. ഫ്രിഡ്ജിന്റെ പുറകിലെ ട്രേ, ചെടിച്ചട്ടികൾക്കടിയിലെ പാത്രം, ഫ്ലവർ വേസ് എന്നിവയിലെ വെള്ളം ആഴ്ചയിലൊരിക്കൽ മാറ്റി വൃത്തിയാക്കുക.മാലിന്യ സംസ്കരണം: ജൈവ-അജൈവ മാലിന്യങ്ങൾ വേർതിരിച്ച് ഹരിത കർമ്മ സേനയ്ക്ക് (Haritha Karma Sena) കൈമാറുക.

2. സ്ഥാപന തലംവിദ്യാഭ്യാസ സ്ഥാപനങ്ങൾ & ഓഫീസുകൾ: സ്കൂളുകൾ, കോളേജുകൾ, സർക്കാർ-സ്വകാര്യ ഓഫീസുകൾ എന്നിവയുടെ പരിസരങ്ങളിൽ വെള്ളം കെട്ടിക്കിടക്കുന്നില്ലെന്ന് ഉറപ്പാക്കുക.നിർമ്മാണ സ്ഥലങ്ങൾ: കെട്ടിട നിർമ്മാണ സ്ഥലങ്ങളിൽ വെള്ളം കെട്ടിക്കിടന്ന് കൊതുക് വളരാതിരിക്കാൻ പ്രത്യേകം ശ്രദ്ധിക്കുക.

3. പൊതു തലം (വാർഡ്-തദ്ദേശ ഭരണ തലത്തിൽ)ഓടകളും ഡ്രെയിനേജുകളും: അഴുക്കുചാലുകൾ, തോടുകൾ, മറ്റ് നീർച്ചാലുകൾ എന്നിവ വൃത്തിയാക്കി വെള്ളത്തിന്റെ ഒഴുക്ക് സുഗമമാക്കുക.മാലിന്യ സംഭരണ കേന്ദ്രങ്ങൾ: വെള്ളം കയറുന്ന പ്രദേശങ്ങളിലുള്ള എം.സി.എഫ് (MCF) പോലുള്ള അജൈവമാലിന്യ സംഭരണ കേന്ദ്രങ്ങൾ സുരക്ഷിതമായ സ്ഥലങ്ങളിലേക്ക് മാറ്റുക.വാർഡ് തല സ്ക്വാഡുകൾ: കുടുംബശ്രീ, ആശാ പ്രവർത്തകർ, റെസിഡൻസ് അസോസിയേഷനുകൾ എന്നിവരുടെ നേതൃത്വത്തിൽ ശുചീകരണ സ്ക്വാഡുകൾ രൂപീകരിച്ച് പ്രവർത്തനം ഏകോപിപ്പിക്കുക.